Iabit jingpang khlam COVID-19 i nongtrei ka Meghalaya Rural Bank ha Iooksi

Syllad | The Rising MeghalayaJuly 7, 2021

U District Magistrate, West Jaintia Hills District, ula bthah ban khang iaka Meghalaya Rural Bank, Iooksi Branch naduh ka 8 tarik Naitung haduh 11 Naitung hadien ba don iwei na ki nongtrei bank ba iabit iaka jingpang khlam COVID-19.

Ia kane ka hukum la pynmih hadien bala ioh iaka report na u Block Development Officer, Laskein C&RD Block ba don iwei na ki nongtrei ka bank ba iabit jingpang khlam bad la kyntu ia baroh kiba leit donkam ha katei ka bank ban shong pynkyrpang ialade ha ki iing ki sem jong ki 4 sngi bad ban sumar ialade da kaba deng ruh iaki mask bad ban shong iajngai bad kiba haiing hasem nalor ban sait khuid iaki kti bun bun sien.

Haka por ba shong pynkyrpang haiing kino kino kiba don iaki dak ki shin ba kynthup iaka jingshit met, jyrhoh, ka jingtlot ka bor met, pang met, ym bang bam, shitom ban ring pynhiar mynsiem, pynhiar, prie bad kiwei kiwei mar mar ki dei ban pyntip sha ki nongialam shnong ban leh ia kaba donkam.