Ïabit jingpang khlam thymmai 505, khlad sa 3 ngut kynjoh ka jingiap sha ka 817

Syllad | The Rising MeghalayaJune 26, 2021

Ka jingdon jong ki briew kiba iap pang COVID-19 kala kynjoh sha 817 ngut hadien bala khlad biang sa 3 ngut haka sngi Saitjain.

Kine kiba khlad sa 3 ngut ki dei mar iwei na West Garo Hills, South West Garo Hills bad Ri Bhoi District.

Kat kum ka jingpyntip ka Tnad ka Koit ka Khiah, sa 505 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 4668 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 23, EJH: 09, EKH: 148, NGH: 44, RBD: 83, SGH: 10, SWGH: 11, SWKH: 06, WGH: 63, WJH: 92 bad WKH: 16.

Ki nongpang kiba la ioh pat iaka jingkoit ki don haduh 499 ngut. Kine ki kynthup na EGH: 36, EJH: 08, EKH: 173, NGH: 21, RBD: 75, SGH: 18, SWGH: 11, SWKH: 31, WGH: 78, WJH: 25 bad WKH: 23.

Ka jingdon jong ki briew bala ïabit ïa kane ka jingpang khlam ha Jylla baroh ka long 47985 ngut bad napdeng kine 42500 ngut kila ïoh ïa ka jingkoit bad 817 ngut kiba ïap nalor ki briew ba dang shitom.