Ïabit khlam COVID-19 ki Pulit Phramer

Syllad | The Rising MeghalayaMay 7, 2021

Saw ngut ki pulit jong ka Pharmer Traffic Cell, West Jaintia Hills District kila shah ktah haka jingpang khlam COVID-19 bad mynta kila shong kset ialade hala ki jong ki jong ki kamra.

Lashai ka sngi ka tnad ka koit ka khiah kan pynlong iaka jingtest iaki kiwei ki para pulit bad ban pyndep iaka contact tracing ban tem iaka jingpur ka khlam.

Da kane jingiabit khlam ki Pulit ha Phramer, la rah noh ia ki katto katne ngut ki briew kiba shah kem dangshen halor ka jingsuba donkti ban khaii kynja beaiñ sha thanad Jowai Police Station.

Ki Pulit jong ka Jowai Police Station ruh kila hap ban shong kyrpang ialade bad kiar na kiba haiing hasem bad ki paidbah hadien bala shah ktah khlam kitei ki saw ngut ki pulit.