Iaid beit iaid ryntih ka jingpyniaid kali na Them Metor
Ka jingplie biang ia ka leit ka wan jong ki kali na ka surok Them Metor kaba pyniasoh ia ka Iewmawlong sha Bimola kala long kaba iaid beit iaid ryntih haka 4 tarik u Naiwieng.
Kane ka surok kaba khang sbak naduh u Jymmang 2018 hadien ka jingklumar ha Them Metor, ka jingplie ia ka no entry la sakhi iaki kali ba iaid ba ieng.
Kumban shu pynkynmaw ba ka Deputy Commissioner ka East Khasi Hills, ka Kong RM Kurbah ha ka 30 tarik u Risaw ka la pynbna ban plie noh ia ka leit ka wan jong ki kali na ka surok Them Metor kaba pyniasoh ia ka Iewmawlong sha Bimola.
Ka Deputy Commissioner ka pyntip ba ba ia ka No Entry na Iew Mawlong sha lad Bimola la weng noh naduh ka 4 tarik u Naiwieng tang naduh ka por 8 baje mynstep haduh 4 baje janmiet. La pyntip ruh ba ia kane ka surok la pynkylla sha ka ‘One Way’ bad ka ‘No Entry’ na Iew Mawlong sha Motphran.
La pyntip ruh ba ia ki katto katne ki bos ba pynieng ha Iew Mawlong hajan Traffic Point yn pynkynriah noh sha MUDA Parking lot pyrshah ka Anjalee Cinema Hall.
La khang ia baroh ki bus SPTS ba kin iaid sha Iew Mawlong na Motphran hynrei kin hap ban iaid beit sha Stand Jeep bad mih shapoh District Council.
Facebook
Instagram
Youtube
Twitter
Leave a Reply