Iaid beit ka jingpynsngew paidbah ha ki 3 MDC Constituency ka JHADC

Syllad | The Rising MeghalayaJuly 9, 2024

Ka Delimitation Committee, Jaintia Hills Autonomous District Council (JHADC) haka 8 tarik Naitung kala sdang iaka jingpynsngew paidbah ne Public Hearing ban sngew iaka sur paidbah halor ka jingpynbeit thymmai iaki constituency.

Kane ka jingpynsngew paidbah ka kynthup iaka War East, War Central bad War West ha Syiem Jingsuk Parish Hall Amlarem.

U Waheh Shnong Pdengkarong Bah Kolmen Pohshna uba la mihkhmat na ka bynta ki lai tylli ki shnong ka Amlarang, Amsyrwa bad Pdengkarong ula kyrpad iaka Delimitation Committee ban pynneh ia kine ki lai tylli ki shnong hapoh ka War East Constituency khnang ba kan wanrah ka shongsuk shongsain hapoh ka Elaka Satpator.

U Pormi Pakyntein ula ai jingmut iaka Committee ban kynthup iaki lai tylli ki shnong ka Pdengshakap, Satpator bad Trangblang ban pynhap hajuh, kata ka Elaka Satpator.

U Waheh shnong Umladkhur u Dapoi Lyngdoh bad Emlangki Dkhar kila kyrpad ban pynneh iaka Shnong Umladkhur hapoh kajuh ka Constituency kumba ju long mynshwa kata hapoh ka Jowai South kumjuh u Donbok Lamurong ruh na ka shnong Thangbuli ula aijingmut ban pynneh biang iaka Thangbuli hapoh ka Jowai South.

Ka Delimitation Committee kala kyntu iaki shnong ban phah ia kino kino jingai jingmut kiba ki paidbah ki kwah ban pynsngew ha kaba iadei bad ka jingpynbeit thymmai iaki Constituency lyngba ka jingthoh bad ban pynpoi ruh haka 19 tarik Naitung hapoh 3.00 baje janmiet.

Jingpynbna: Ki kyndon ban iashimbynta haka jingpynsngew paidbah halor ka jingphiah Constituency ka JHADC