Iaid beit ka jingpyntreikam FASTag, sahkut kali ha Ialong

Syllad | The Rising MeghalayaFebruary 16, 2021

Wat hadien ba ka All Jaintia Tourist & Commercial Vehicle Association (AJTCVA) haka sngi Nyngkong kala leit ban iakynduh ia u Deputy Commissioner jong ka West Jaintia Hills District ban iakren bad kynnoh shim kabu ki nongtrei jong ka Toll gate Ialong halor Ka FASTag, ki POS ha toll gate ki bteng ban pynrung kyrteng ia baroh ki kali salonsar.

Kane ka jingtreikam ka FASTag kala wanrah ka jingpyrshah kaba jur naka seng ki nong niah kali kamai bad wanrah iaka jingsahkut kali kaba jur.

Ka AJTCV la ai da ka jingthoh sha u Deputy Commissioner bad kala kyrpad ia u ban shim khia ia kane ka kam bad ula ba ong ba un sa khot kloi kloi da ka jingialang.

Ka AJTCVA kala dawa na ki bor ba dei peit ia ka Toll gate Ialong ba katba ym pat dep ban ia pynbeit, dei ban shim beit ia ka bai Toll gate kumba ju shim man la ka por ka ta 30/- haka shi sngi.

Hynrei ki nongpyniaid toll gate ki iaid shakhmat ban pyntreikam iaka FASTag bad shim iaka kuna iaki kali bym don FASTag.