Iaid beit ka jingthep vote, 74.32 percent kiba wan thep vote ha kylleng ka Jylla

Syllad | The Rising MeghalayaFebruary 27, 2023

Ka jingthep vote paidbah haki 59 tylli ki constituency haka sngi Nyngkong kala long kaba iaid beit iaid ryntih bad haduh ka por 5 baje nohphaisngi katkum ka jingkhein kaba iohlum ka jingwan ki nongthep vote ha kylleng ka jylla ka long 74.32 percent.

Katkum ka jingkhein kaba iohlum, na East Khasi Hills ka jingwan thep vote ka long 68.68 percent, West Garo Hills 68.60 percent, West Jaintia Hills District 86.15 percent, West Khasi Hills 78.59 percent, East Garo Hills 70.12 percent, Ri Bhoi 73.18 percent, South Garo Hills 70.66 percent, South West Garo Hills 78.87 percent, South West Khasi Hills 86.37, East Jaintia Hills 81.50 percent, North Garo Hills 74.35 percent bad Eastern West Khasi Hills 90.25 percent.

Haba phai sha ka jingthep ha ki shnong khappud Assam Meghalaya, kiba kynthup iaka Mukroh, Tum Tum, Khatkasla, Psiar bad Moolber ruh kala iaid beit iaid ryntih. Ka shnong Moolber, Psiar bad ka Khatkasla ki la thep vote paidbah ha ka shnong Tum Tum.