Iaid beit ka jingthep vote MDC sha JHADC bad KHADC

Syllad | The Rising MeghalayaFebruary 21, 2025

Ka jingthep sha ka elekshon MDC Jaintia Hills Autonomous District Council (JHADC) bad Khasi Hills Autonomous District Council (KHADC) kala long kaba iaid beit iaid ryntih khlem kino kino ki jia kat haduh ka por 12 baje mynsngi haka sngi Thohdieng.

Ha kane ka kynti ki don palat 13 lakh ngut ki nongthep vote ban jied iaki 272 ngut ki kyrtong ba mih ban iakhun na kine ki ar tylli district council.

Baroh ki kyrtong na KHADC ki don 158 ngut kynthup 12 ngut ki kynthei, katba na JHADC ki don 114 ngut bad 7 ngut ki dei ki kynthei.

Haduh bala thoh iaka khubor, ka jingthep wat sha ki jaka kyndong tam kala long kaba iaid beit iaid ryntih, khamtam kum ka Barato Mukroh Constituency, kaba la paw sha ki khubor halor ka kam iakhajia pud hadpeng ka Assam (West Karbi Anglong) bad Assam.

Ha Jowai la sakhi ki paidbah kila mih ryntih ban pyndep iaka hok ka jong ki ban jied ia la u MDC