Ïaid beit ka Knia Aitnar bad la poi ki diengkhlam bad Khnong Blai ha Iawmusiang
JOWAI: U Dolloi jong ka Elaka Jowai uba dei u khlieh jong ka niam haka step sngi Thohdieng kaba dei ka sngi ar jong ka Behdeiñkhlam ka Raij Jowai, ula pyndep ïaka Knia Syiem Aitnar bad kane ka jingknia katkum ki dak ki shin kalong kaba bha kaba miat bad la ngeit ba ki jingkyrkhu kin wan hapoh ka shnong, raij bad elaka baroh kawei.
Ha kane ka jingpynkyntang ïaka Aitnar (Ka Pung Kyntang) la ïadonlang u Pator, Langdoh, Sangot, Wasan bad ki Kñi na ki kur bapher bad la mana ïa baroh ba ym bit ban tamti tamkjat sha ka pung kyntang.
![](https://www.syllad.com/wp-content/uploads/2024/09/JIT-Vacancy-823x1024.avif)
Hadien bala pyndep iaka jingknia Aitnar, baroh Kmairaij kila ïakynduh shuwa ha Mynkoi Pyrdi (Iongpiah) ryngkat ka bom, ka tangmuri bad kila mih da ka kynhoi ka risa da ka dohnuh kaba kmen ban leit sha khlaw ban shaw iaki dieng khlam. Haka por shiteng sngi baroh ki Kmairaij kila wanrah ïaki deingkhlam ha Iawmusiang.
Ka Khonraij (Chilliangraij) kila pynpoi ïaka Khnong Blai ha Loomsooiung bad ynda la dep buh iaka Khnong Blai hryngkat ki Kmairaij kila mih na Iawmusiang haka juh por shala ki dong dong jong ki ryngkat ka jingshad kmen bad ka kynhoi ka risa.
La shai ka sngi yn rah biang iaki diengkhlam na Iawmusiang bad ban pynieng hala ki jong ki dong, katba ïaka Symbood Khnong yn rah na Loomsooiung naduh ka por mynstep bad pynieng ha Khliehshnong.
Ki khun ka Niamtre kin shad ruh ha baroh ki jaka niam ha Iawmusiang.
Shuwa ban rah iaki diengkhlam, yn ai nguh ai dem iaka Khnong Blai hapoh Sawiar ka ban pyndep da u Dolloi bad u Kni Nikhla. Ha kane ka por baroh ki bom bad ki tangmuri ki sangeh bad ki diengkhlam yn buh ha madan siatthong ban ainguh blei bad hadein yn rah iaki diengkhlam hala ki jong ki dong.
Leave a Reply