Iaid beit ka lympung ialehkai football ba nyngkong eh ka ELSA

Syllad | The Rising MeghalayaDecember 31, 2021

Ka lympung ialehkai football jong ka Elaka Lakadong Sports Association (ELSA) kaba la pynlong haka sien kaba nyngkong eh kala iaid shait shait shakhmat haka shnong Lama, East Jaintia Hills District.

Kane ka jingiakhun kaba la tip kum ka ‘1st Elaka Lakadong Knockout Football Tournament 2021-22’ kala sdang naduh ka 15 tarik u Nohprah bad la wan ban iashimbynta da ki 16 kynhun kiba hapoh ka Elaka Lakadong.

Haba phai sha ka jingiakhun kaba long haka sngi Palei, ka Umlyngsha FT bad ka Lakadong Ummat SCC kila khur jingjop pyrshah iaka Natbor FT bad ka Lama YSC. Ka Umlyngsha kala jop da 2-0 kol iaka Natbot FT, ka Lakadong Ummat kala jop da 2-0 kol iaka Lama YSC.