Iaid kjat ka Trekking and Adventure Group Dkhiah West ha ki lynti iaid u barim na Dkhiah sha Shangpung
Ka Trekking and Adventure Group Dkhiah West haka sngi Saitjain kala pynlong iaka jingiaid kjat ne trekking naduh ka Dkhiah West, East Jaintia Hills shaduh sha Shangpung, West Jaintia Hills District.
Ia kane ka kynhun la ialam da u Dr. Ryngkat Phawa bad ki la ïaid kjat naduh shnong Dkhiah West haduh Shangpung bad la shim bynta da ki samla kynthei shynrang, ki longkmie longkpa bad ki khynnah. Ki riew rangbah kum u Jiren Swer, u Muni Swer wat haka rta kaba la heh ki dang lah ban ïaid kjat.
Hashwa ka jingïaid kjat ka don ka jingkren lyngkot na u Waheh shnong Dkhiah West u Comingone Tlang bad ka jingduwai na u Tbn Livingstone Phawa waheh shnong barim.
Ki jaka ba kane ka kynhun kala iaid kadei na ki lynti ba iaid ki riew rangbah na Dkhiah, Rymbai, Khliehriat, Sutnga, Saipung bad kiwei kiwei haka por ba ki leit skul, leit iew leit hat mynshuwa lyngba ka Kaitungtoh, Jalyiah, Khlieh yurim, Sohkymphor, Sohkymphor Nein, wah Umpaai, Khliehrangnah haduh Shangpung Mission.
Ha kane ka jingiaid kjat haba poi ha Shangpung kila jurip ruh artylli ki skul barim tam hapoh Rilum Jaintia kita ki dei ka Shangpung Presbyterian Lower Primary School kaba la seng da u woh Don Sutnga (u Kristan ba nongkong eh na Shangpung) ha snem 1865 kaba la kiew kyrdan shaduh ME School, Secondary bad Higher Secondary bad ka Shangpung Govt UP School (1924) dong Moolibang.
Ha kine ki skul u Myllung Soso Tham u juh hikai ha u snem 1922.
La pdiang sngewbha ïaka kynhun da u headmaster Nangtur Langstang bad nonghikai Kong Rita Margareth Wann, Kong Laiaieit Suiam, Kong Percia Phawa. Ki la ïathuh ïaka history jong ka skul kumjuh shaphang ka jingïaid lynti bad jingim u Myllung Soso Tham.
Facebook
Instagram
Youtube
Twitter
Sngewtynnad baphi Lah mad ia kadienjat kiba rim bajah. Na shnongDeinchynrumm, Rngadrymbai ki joohwanpeit iaka shad pastieh Ha iewShangpung haka Por Shad pastieh Ryngkaw