Ïaid paidbah ba shah pynïap dusmon bad lehbeiñ ïaka khynnah san snem
JOWAI: Namar ka jingshah lehbeiñ bad shah pynïap dusmon ka khynnah san snem dangshen ha ka thaiñ Iooksi; ka KSU Laskeiñ Circle kala pynlong ïaka Rally ne ka jingïaid paidbah ban pynrem jur ïa u Dawanbiang Langstang,uba shah kynnoh donkti ban leh kane ka kam sniew uba la iap ka jingtip lem bad ym khein briew ïa kane ka khynnah.
Kane ka jingïaid paidbah kala long haka sngi Nyngkong ha ka thaiñ Iooksi kaba la shimbynta da ki hajar ngut ki paidbah kynthup ki kynthei khynnah.
La ïadonlang ha kane ka jingïaid paidbah naduh u Ohibait Dkhar President KSU Jaiñtia Hills District Unit, Danny Shadap Vice President FKJGP West Jaiñtia Hills, ki nongialam shnong ka thaiñ Iooksi, ki seng longkmie bad kiwei kiwei. Ïa ka jingïalang la pynïaid da u Nangaibormi Sutnga, u nongaibuit ka KSU Iooksi Unit.
Hadien ka jingiaid paidbah la don ka jingïalang bad baroh ki nongkren kila pyrnrem jur ïa kane ka jingjia kaba ym lah ban pdiang haka imlang ka sahlang.
La dawa na ka bor jong ka aiñ ban ai ka jingbishar kaba hok ïa katei ka khynnah kaba la duh ïaka jingim ba kordor bad ban ai ka jingpynsaja kaba tyngeh ïa u Dawanbiang Langstang bad ba kiwei ki nongleh kam sniew kin pyrkhat arsien ha shuwa ban kin leh kino kino ki kam sniew pyrshah ïaki kynthei ki kynnah.
Facebook
Instagram
Youtube
Twitter
Leave a Reply