Iaid paidbah ka JAC ban pynioh jingbishar hok iaka longkmie ba shah lehbeijot bad ioh khun na u kpa ha West Jaintia Hills

Syllad | The Rising MeghalayaNovember 13, 2021

Ka Joint Action Committee (JAC) kaba kynthup iaka KSU, HYC, ki nongialam shnong, ki nongialam ha ryngkat bad ki khynnah skul bad nonghikai haka sngi Saitjain kila mih paidbah ban pyrshah halor ka jingshah lehbeijot ka longkmie bad ioh khun nala u jong u kpa ha kawei ka shnong kaba hap ha Nartiang Police Station.

Ka JAC kala iaid paidbah ha katei ka shnong ha ryngkat ki jingthoh pyrshah bad dawa ban pynioh jingbishar kaba hok iaka longkmie kaba shah lehbein hala u jong u kpa haduh ba da ioh ar ngut ki khun ha ryngkat ka byrngem byrsit.

Kane ka jingjia shah beijot kane ka longkmie kala jia ha u snem 2007 haka por ba dang don tang 13 snem ka rta. Kane ka longkmie kala ioh ar ngut ki khun nala u njong u kpa iwei ila khlad.

Kane kala paw pyrthei hadien 14 snem ba kane ka longkmie kala mudui da ka jingujor ejahar haka 18 tarik Risaw 2021.

“Ngi ki khun ngi donkam ka jngiada na ki kmie ki kpa, ym ban pyntieng pynsmiej, ne ban hikai iaki da ki kam pohjait, kiba pynlehrain ia ngi hakhmat ka pyrthei. Lada ngi ki khun ngim ioh iaka jingiada na ki kmie ki kpa, hangno pat ka jingshong shngain ia ngi ki khun ka don,” la ong ka jingthoh haki lama iong.

Ha kane ka rally kaba jai jai ka JAC kala iaid paidbah ha kylleng ka shnong bad daw iaka jingbishar kaba hok ia kane ka longkmie ha ryngkat ki jingthoh pynrem.