Iaid rally ki Home Guard Volunteers for COVID -19 bym ioh bai bylla

Syllad | The Rising MeghalayaOctober 21, 2020

Ki Home Guard Volunteers for COVID -19 da ka jingialam jong ka Khasi Students’ Union, Jaintia Hills District kila iaid da ka rally ban pynbor iaka bor district ban pynioh iaka bai bylla jong ki kaba kila trei naduh u bnai Lber (March) ban long kum ki volunteer ban iakhun pyrshah iaka khlam COVID-19 haka por ba khangdam.

Kine Home Guard Volunteers for COVID -19 hapoh ka jingialam u Justice Paul Lyngdoh, education secretary ka KSU kila iaid rally ryngkat ka jingthoh placard ban dawa siew iaka bai bylla jong ki Home Guard Volunteers for COVID -19.

Kane ka jingiaid paidbah kala sdang naduh na Jowai Police Station shaduh ophis jong u Commandant Home Guard, Jowai nangta kila leit sha ophis u Deputy Commissioner, West Jaintia Hills District.

Ki Home Guard Volunteers for COVID -19 kila trei haduh 171 sngi, katba naduh u bnai Lber ki dang ioh bai bylla tang 40 sngi.

Haba la poi ha DC ophis kila ioh ban iakren bad u DC bad la kular ban shimkhia ban pynioh iaka bai bylla jong ki volunteer.

U Justice Paul Lyngdoh ka daw ba slem ka sorkar ban siew iaka bai bylla kadei ka jingbakla naka tnad homeguard halor ka bai nongsngi kaba la buh dor ka sorkar kalong tang T.439 katba kila phah dor T.550 sha ka sorkar. Kumta kala pynphai iaka file bad kala wanrah ka jingsahteng bad siew iaka bai bylla jong ki spah ngut ki volunteer.

Na kaliang ki Home Guard Volunteers for COVID -19 bad ka KSU kila dawa ban siew noh mar mar ia kane bai bylla jong ki kaba dei ka hok jong ki.