Iaid shait shait ka 21st Open to All Badminton Championship ka Loompyrdi Iongpiah
Ka lympung ialehkai 21st Open to All Badminton Championship 2024 kaba pyniaid da ka Sports & Games Committee jong ka Loompyrdi Iongpiah Dorbar Chnong kaba la sdang haka 3 tarik Jylliew kala iaid shait shait ha Seinraij Indoor Sports Hall, madan Ryngkaw Tpeppale.
Kane ka lympung ialehkai kan kut haka 8 tarik mynta u bnai.
![](https://www.syllad.com/wp-content/uploads/2024/09/JIT-Vacancy-823x1024.avif)
Haka sngi plie ia kane jingiakop la wan sakhi da u Ma C Tympang Laloo, Chairman Sports & Games Committee, u Ma Kamki Kyndiah, Secretary Sports & Games Committee bad u Ma RL Bimee Suwer, Waheh Chnong Loompyrdi Iongpiah nalor kiwei kiwei ki riew Rangbah ka Loompyrdi Iongpiah.
U Ma RL Bimee Suwer haka jingkren ula iathuh ba ka thong jong ka dorbar shnong ban pynlong ia kane ka jingiakop ka long ban kyntiew iaka sap ialehkai ki khun jong ka shnong bad ban wanrah ruh iaka bha ka miat hapoh ka imlang sahlang.
Ula kyntu ia baroh ki nongiashim bynta iakhun da ka mynsiem jong ka jingieid bad ban imsngi ruh ban nangpynjanai iaka sap ialehkai na ka por sha ka por.
Ki kyrdan iakop ha kane ka lympung ki long ka kyrdan Under 15 Boy’s Single, Under 15 Boy’s Double, 35+ Men’s Single, 35+ Men’s Double, Women’s Single, Women’s Double, Mixed Double, 50+ Men’s Single, 50+ Men’s Double wa ka Men’s Single Open & Men’s Double Open.
Leave a Reply