Iaid shait shait ka Inter Academy Boys U14 & U19 Girls Cricket Tournament ka St Anthony;s HSS

Syllad | The Rising MeghalayaDecember 6, 2024

Ka St Anthony’s HSS, Shillong ryngkat ka jingiatreilang bad ka Meghalaya Cricket Association, ki la lah ha kaban sdang ia ka lympung ialehkai kriket ba la tip ia ka kum Ka Inter Academy Boys U14 & U19 Girls Cricket Tournament 2024, kaba la sdang naduh ka sngi Saitjain jong ka taiew kaba la dep ha Don Bosco Mini Stadium.

Ha kane ka kynti la don 6 tylli ki kynhun ialehkai jong ki shynrng bad artylli ki kynhun ba dei jong ki kynthei bad ki kyrteng jong ki kynhun ki long Shillong Cricket Academy Lawsohtun, St.Anthony’s Cricket Academy, Nongthymmai Cricket Coaching Centre bad ka Eastern West Khasi Hills Cricket Association Academy, Mairang.

Na ka liang u Hony. Secretary ka MCA, um lah ban khlem da pyrto ia ka St Anthony’s Higher Secondary School ban shim ia kum kane ka sien jam ban pynlong ia kane ka lympung ba kyrpang ia ki khynnah shynrang bad kynthei kiba hapoh ka 14 snem ka rta, kaba hangne u la ong ba ka MCA ka long kaba kloi ba kan iatreilang bad ban kner lem ia ki kti jingiarap ia ki shlem ai jingnang jingstad, kiba kloi pat ban piam ne ban pynrung kyrpang ia kum kane ka lympung ha ka almanak  ialehkai jong ki skul ki jong ki.

Shuh shuh u la ong ba dei lyngba ka jinglah ban pynlong ia kum kine ki lympung ba kan iarap ba kan sei madan ia ki rang ne thei ialehkai ban lah ban mihkhmat ia ka jylla ha ki kyrdan iakhun kiba kham shalor.