Iaid shait shait ka jinghikai siat suloi ka WJSA ha Jowai

Syllad | The Rising MeghalayaJanuary 5, 2025

Ka West Jaintia Shooting Association (WJSA) kaba la seng naduh u snem 2016, haka 4 tarik Kyllalyngkot 2025, kala pynlong iaka Training Camp ne ka jinghikai siat suloi Air Pistol bad Air Rifle kaba 10M.

Ha kane ka Training Camp la wan shim bynta palat 30 ngut ki shynrang bad kynthei ha Community Hall Loomsooiung Newhill, Jowai ka ban kut haka 6 tarik Kyllalyngkot.

Ha kane ka Training Camp la wan ban hikai da ki Coach ba tbit napoh ka Shooting Association of Meghalaya (SAM) ba kynthup iaka Kong Balari Rani bad Kong Marba Mylliem Pdah.

Haka sngi sdang ki nongiashim bynta kila ioh ban sngap iaki jinghikai shaphang ka Theory katba haki arsngi kin ioh jinghikai halor ka Pratical.

U Ma Alan Niangti President WJSA, ula iathuh ba ka thong jong ka synjuk ban pynlong ia kane ka Training Camp ka long ban pynshlur bad thaw lad iaki nongiasiat suloi ban poi sha ki kyrdan haka National bad ha International bad ruh shibynta ban pynkhreh ha kaba iadei bad ka 6th Meghalaya Games ka ban long mynta u bnai ha Jowai bad Wahiajer.

Lah ban pynkynmaw ba ka West Jaintia Shooting Association (WJSA) haka 5th Meghalaya Games kaba la long ha Tura, lyngba u Wanmi Sumer kala ioh khur kawei ka takma ksiar haka kyrdan open sights 50M