Ïaid shait shait ka jingiakhun football ka MSCSO ha Wapung

Syllad | The Rising MeghalayaAugust 16, 2019

KHLIEHRIAT: Ka jingialehkai football kaba la tip kum ‘9th Cash Prize Money’ kaba la pyniaid da ka Mowpynieiñ Socio Cultural & Sport Organisation (MSCSO), Wapung skur kala iaid shait shait ha madan ialehkai bad kala jam artad sha ka quarterfinal.

Ka jingiakhun jong ka wat kaba ar kaba long hadpeng ka BK FC pyrshah iaka Tpepswer SC, ka Tpepswer SC kala jop da 2-0 kol.

Ka jingiakhun hapdeng kine ki arliang kala long kaba itynnad bad kaba iakhaid bha ha kaba baroh ariliang kila pyrshang ban ioh thep kol.

Kine ki arkol ka Tpepswer kila mih paw haka kylla miet lyngba ka kol kaba la thep u Heimon Dkhar (40) bad u Leonardo Dkhar (53).

Naka liang u President ka MSCSO u samla Shaniah Shkem Dkhar ula pyntip ba ka jingiakhun Second Round kaba bud kan long hapdeng ka Wapungtre FV pyrshah iaka Wallam FC haka 17 taik une u bnai haka por 2:30 PM.