Iaid shait shait ka jingshna pynbha iaka jaka jngohkai ha Iooksi

Syllad | The Rising MeghalayaMarch 11, 2021

Ki Waheh Shnong jong ki san tylli ki shnong naduh ka Saphai, Priang, Umdeiñlin,Tongkiad, Kyanmynsar Thlongmoo bad Iooksi ryngkat ki nongialam bad dkhot ka KSU unit na Saphai, Priang, Iooksi bad Umsalait haka 9 tarik une u bnai kila jurip iaka jingtei pynbha iaka jaka jngohkai Iooksi park ha Syrpoo kaba don harud ka Wah Kupli kila lap ba ka jingtrei kala iaid shait shait.

Ha kane ka jingjurip kine ki nongialam shnong bad ka KSU la lap ba ka jingtrei jngohkai pyrthei ha Iooksi Park, Syrpoo kadang iaid shait shait, hynrei kila pynpaw ka jinglyngngoh ba jingtrei iaka surok ban poi sha katei ka ka jaka la ieh shiteng bad sa kumba 500 metre khlem siang rong.

KSU bad ki nongialam shnong kila rai ba kin sa iakynduh iaki ophisar ka tnad Tourism ban pynkloi ban shna iaka surok khnang baki briew ki ban leit sha kane ka jaka jngohkai pyrthei kin khamsuk.

Nga dei uba ïoh bun eh ki skim shna surok napdeng ki para MLA Jaiñtia ong u Nujorki Sungoh

La buh mawnongrim ban pynbha ia katei ka Iooksi Park ha u snem 2020 Rymphang bad kane jinglut ban pynbha kala kot T.10.87 Klur bad kane la bei pisa da ka Ministry of Tourism, Govt of India lyngba ka  Swadesh Darshan Scheme. Ha Iooksi yn tei ïaki dukan Café, ka Tourist information Centre, ki Traditional Hub bad kiwei kiwei ki jaka ïalehkai pynbyrngia.