Iaid shait shait ka Second & Third Division football ka EJHDFA

Syllad | The Rising MeghalayaAugust 12, 2023

Ka jingialehkai Second Division bad ka Third Division Football Tournament kaba pyniaid da ka East Jaintia Hills District Football Association (EJHDFA) kala iaid shait shait ha madan ialehkai ka synjuk ha Diengshynrum, East Jaintia Hills District

Haba phai sha ka jingialehkai Third Division kaba long haka sngi Thohdieng, ka SWO Moosiang Lamare Rim kala jop da 1-0 iaka Wapung Skur SWO. Ia kane ka shikol la thep da u Solmon Sympli 51′.

Ka jingialehkai hapdeng ka Sonapyrdi SC pyrshah iaka Nongsning SC kala wai da kaba iakhaid mar 1-1.

Kawei pat ka jingialehkai ka Mookympad SC kala jop da 1-0 iaka Dkhiah SC. ia kane ka kol la thep da u Meviriki Lyngdoh 34′.

Ka jingiakhun second division kan long lashai ka sngi Saitjain. Ka jingiakhun kaba nyngkong hapdeng ka Kairang pyrshah iaka Diengshynrum haka por 10 AM, bud sa ka jingiakhun hapdeng ka Iongkaluh pyrshah iaka Iongkaluh Wahsder haka por 12 PM bad Sutnga Mission pyrshah iaka Umlyngsha haka por 2 PM.