Iaid shakhmat ka jingpynkhreh ia ka Jingiaseng Synod 2025 ha ka Balang Umlyngka

Syllad | The Rising MeghalayaJune 29, 2024

Ka jingpynkhreh jong ka Balang Umlyngka na ka bynta ka jingiaseng Synod 2025 ka la iaid shakhmat, bad ia kane ka sakhi da ka jingleit jurip ia ka jaka pynlong jingiaseng da Myntri Sorkar barim u bah Hamlet Dohling ha ryngkat ki nongialam Balang kiba kynthup ia I pastor incharge C N Kharbuki, ki Tymmen Basan, Rangbah Balang, Rangbah shnong bah Stephan Lyngdoh, U SDO PWD (NH), JE bad kiwei kiwei.

Ha kane ka jingleit jurip la iohi ba ka kam ka la sdang bad kyrmen ba tang shu ailad u slap ka kam kan iaid  shaid shaid ha kaba iadei bad ka lynti surok ka ban lam sha kane ka jaka pynlong ia ka jingiaseng.

Haba kren ha kane ka sngi na ka liang I Pastor CN Kharbuki u la pynpaw ka jingsngew nguh bad ai khublei kyrpang ia u bah Hamletson uba la shimkhia ia ka kam naduh ba sdang haduh ba ka kam kan da iaid shakhmat.

Nalor kata ula ai khublei kyrpang ruh ia u Rangbah shnong bah Stephan Lyngdoh uba la shimkhia bad trei shitom ban pynbit pynbiang ia baroh ki jingdonkam kiba iadei bad kane ka surok. Nalor kata la ai khublei kyrpang ia ki Engineer,SDO,JE kiba ka shimkhia ia ka kam bad khamtam ia ki trai jaka kiba la iatreilang bad ka Balang kumjuh ruh bad ka shnong.

Na ka liang u bah Hamletson u la iathuh ba u la shimkhia bad trei shitom ia kane ka kam haduh ban da pynioh ia ka mang pisa kaba kot haduh T. 5 klur 40 lak na ka bynta kane ka surok bad u kyrmen skhem ba ka kam kan đẹp ha ka por kaba biang.

Kumba ka long mynta ka kam ka la iaid shakhmat hynrei ka jinglong ka mariang ka la pynthut ia ka kam bad ngeit skhem ba tang shu ailad ka mariang un sa kyntu ia ki engineer bad kumjuh ia ki contractor ba kín trei noh ia ka kam.

Na ka liang u bah Hamletson u la pynpaw ruh ka jingai khublei kyrpang ia u Chief Minister Conrad K Sangma bad khamtam ia I bah Prestone Tynsong Deputy CM I/c PWD kiba la sngap ia ka jing kyrpad ban iarap bad pyn ioh sanction ia kane ka surok