Iakhaid ka football pynmih pisa ka Sohkha Shnong ESC

Syllad | The Rising MeghalayaOctober 25, 2022

Ka jingialehkai football ban iarap pynmih pisa ban kyntiew iaka kam ialehkai kaba la tip kum ka “Charitable Football Friendly Match” hapdeng ka Meghalaya Swimming Association, Shillong kaba lamkhmat da u Bah DP Wahlang, Chief Secretary ka sorkar Jylla pyrshah ïaka Sohkha Shnong Everlasting Sports Club ka la wai da ka jingïakhaid kaba mar 2-2 kol haka sngi Nyngkong.

Ïa kane ka jingïalehkai paralok la pynlong da ka Sohkha Shnong Everlasting Sports Club ha madan ïalehkai bathymmai ka Sohkha Shnong Everlasting Sports Club.

Wat hapdeng ka jingpynthut jong ka mariang, hynrei ka jingïakhun ka la long kaba iaid beit bad kine ki arliang mamla kila ialehkai haka dur kaba itynnad kaba pynshongshit iaki paid nongwan sakhi ia kane ka jingialehkai.

Hashwa ka jingïakhun ka la don ka jingïalang lyngkot kaba la pynïaid da u Ma Kitbok Khonglah dkhot EC Sohkha Shnong Everlasting Sports Club.

U Bah DP Wahlang haka jingkren ula kyntu ïaki dkhot ka Sohkha Shnong Everlasting Sports Club ban don ka jingïatylli bad ban trei shitom khnang ban wanrah burom ïaka club bad ka shnong ka thaw.