Iakhaid hadpeng ka Tongseng pyrshah iaka Borsora, Sonapyrdi bad ka Lumsohskie haka football ka Elaka Narpuh SA

Syllad | The Rising MeghalayaNovember 13, 2021

Ka jingiakhun jong ki saw kynhun kala kut da kaba iakhaid, kata ka Tongseng Narpuh FC pyrshah iaka Borsora bad ka Sonapyrdi FC pyrshah iaka Lumsohksie ha ka jingiakhun football kaba pyniaid da ka Elaka Narpuh Sports Assocaition (ENSA) kaba long haka shnong Umkiang haka sngi Saitjain.

Ka jingiakhun kaba nyngkong hadpeng ka Tongseng Narpuh FC pyrshah iaka Borsora FC kala wai khlem don mano mano ba ioh thep kol.

Katba ka jingiakhun kaba ar hadpeng ka Sonapyrdi FC pyrshah iaka Lumsohskie FC kala wai mar 1 kol. Ka Sonapyrdi kala ioh shuwa ban thep kol lyngba u Micky Siangshai (4) bad ka Lumsohskie FC kala pynphai lyngba Selikos Dhar (19).