Iakhaid ka Dongmihsngi Mupyut vs Pamtbuh haka Super Div, khyrwit hattrick u Banjop haka Lower Div ka ASSA

Syllad | The Rising MeghalayaNovember 21, 2024

Ka Dongmihsngi Mupyut bad Pamtbuh kila iakhaid haka Super Division katba u Banjop Pohlong ka Padu United ula khyrwit da ka hattrick haka Lower Division Football ha Amlarem haka 21 tarik Naiwieng

Ia kine ki ar tylli ki lympung ialehkai la pyniaid da ka Amlarem Sub-Divisional Sports Association (ASSA).

Ka jingialehkai Super Division hadpeng ka Dongmihsngi Mupyut pyrshah iaka Pamtbuh SC kala kut noh da kaba iakhaid khlem don mano mano ba ioh thep kol.

Haba phai sha ka jingialehkai Lower Division, ka Padu United kala jop bunkol 5-1 pyrshah iaka Amtasam. Ha lyndet kane ka namjop ka dei lyngba ka hattrick u u Banjop Pohlong uba la thep lai kol (19, 33 & 39), sa ar kol la thep da u Doulos Pohthmi (12, 24). Shikol ka Amtasam SC la thep da u Shkem Langshiang (2).

Haka jingiakhun kaba bud, ka Sankhat SC kala pynliem da 2- 0 iaka Nongtalang FC bad ia kine ki kol la thep da u Suhal Marak (21) bad Laden Talang (40).

Kawei pat ka jingialehkai, ka Shkenpyrsit kala jop da 2-0 iaka YC Moosakhia. Ia kine ki kol la thep da u Firstborn Kyndait (37) bad Wanmi Sana (54).