Iakhaid ka Khimusniang pyrshah iaka Sohmynting haka Super Division ka WJDSA

Syllad | The Rising MeghalayaSeptember 1, 2022

Ka jingiakhun hadpeng ka Khimusniang pyrshah iaka Sohmynting kala kut da kaba iakhaid mar 2-2 haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Ha kane ka jingiakhun 2 kol kila mih paw haka kyllastep ha kaba ka Sohmynting kala ioh shuwa ban pynkhih iaka jar lyngba u Rigal Pyrtuh (41′). Tang hadien shi minit ka Khimusniang kala tan kylla iaka jingiakhun sha kaba iakhaid lyngba ka kol kaba la thep da u Donbok Bamon (42′)

Ka Sohmynting kaba la tam shakhmat da shikol haka kyllamiet haka minit kaba 51′ lyngba ka kol kaba la thep da u Kitbok Suting. Ka kol kaba saw ha kane ka jingiakhun la thep da u Yuletide Langbang (77′) jong ka Khimusniang.

Kine ki kynhun arliang mamla kila ioh mar kylliang ki kabu ksiar ban thep kol, hynrei kim lah satia ban pynkylla iaki sha ki kol haduh bala wai ka por iakhun bad kila hap ban hun ban iasam mar 1 poin.

Shuwa kane ka jingiakhun ka Sohmynting kala kamai 1 poin bad bad ka Khimusniang 3 poin bad da ka jingiakhaid mynta ka sngi na ki saw sien iakhun ka Sohmynting kala kamai 2 poin, ka Khimusniang kala kamai 4 poin.

Lashai ka sngi ka jingiakhun kanlong hapdeng ka Nangbah Mulang kaba don 7 poin bad ka Ladthadlaboh 6 poin. Ka 7 Wasa Utd- 9 poin bad ka don haka kyrdan kaba hakhliehduh haka miej iakhein poin bud sa ka Mynthong 7 poin.