Ïakhaid ka Khliehmynkrem bad ka Mynsngad haka 2nd Division ka WJDSA

Syllad | The Rising MeghalayaJune 29, 2022

Ka jingiakhun hapdeng ka Mynsngad Sc pyrshah iaka Khliehmynkrem SC kala wai da kaba iakhaid mar 3-3 kol haka jingiakhun 2nd Division Football Tournament- ka 5th Debo Shullai Memorial Trophy kaba pyniaid da ka West Jaintia District Sports Association (WJDSA) ha Kiang Nangbah Stadium haka sngi Balang.

Ha kane ka jingiakhun ka Mynsngad kala tam shuwa shakhmat 2 kol lyngba ka kol kaba la thep u Army Talang (17) bad u Banker Muksor (21). Ka Khliehmynkrem kala ioh thep shikol lyngba u Eurester Mynthlu (34) bad sa shi kol u Eurester ula thep haka kylla miet (59).

Ka Mynsngad iaka kol kaba lai kala thep lyngba u Shanbor Satein (51).

Ka Khliemynkrem kala thep iaka kol kaba lai jong ka shuwa ban wai ka por iakhun lyngba u Tremiki Jyrwa (79).

Ka jingiakhun hadpeng kine ki arliang mamla kala long kaba iaryngkat bor bad kila ñion markylliang bad kila ioh ruh mar katjuh ki kabu ksiar.

Lashai ka sngi ka jingïakhun kan long hapdeng ka Mooknor Thadmuthlong pyrshah ïaka Panaliar haka por 3.00 baje janmiet.