Iakhaid ka Lumiawmuchai bad ka Ladthadlaboh haka Super Division ka WJDSA

Syllad | The Rising MeghalayaSeptember 6, 2022

Ka jingiakhun hadpeng ka Lumiawmuchai Shangpung pyrshah iaka Ladthadlaboh kala wai da kaba iakhaid mar 1-1 haka Super Division Football Tournament kaba la tip kum U Kiang Nangbah Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba ar.

Ha kane ka jingiakhun ka Lumiawmuchai kala tam shakhmat 1 kol tang hapoh 15’ bala iaid ka jingiakhun lyngba ka kol kaba la thep u Risan Dkhar.

Ka Ladthadlaboh hadien ba kala shah tam shakhmat 1 kol, kala pyrshang ban thaw ki lad ban ioh thep kol bad kala pynlehnohei ruh bun ki kabu ksiar.

Dei tad haduh ka minit kaba ka 45+1 jong ka kylla step da ka jingbakla shut u Sunidahoi Sungoh ka Lumiawmuchai shala ka jong ka kol, ka Ladthadlaboh kala tan iaka jingiakhun sha kaba iakhaid. Kane ka kol kala mih paw haka corner kaba la shut u Jessamy Tariang bad haka jingiaknieh iaka ball u Sunidahoi um shym la lah ban kyrda iaka bol sha ka jaka ba shngain bad thep kylla sha ka kol lajong.

Ka kylla miet ka jingiakhn hapdeng kine ki arliang mamla kala lip rong kaba bym shym la pynhun ia u paidbah nongwan sakhi jingiakhun.

Shuwa kane ka jingiakhun ka Ladthadlaboh kala kamai 9 poin bad ka Lumiawmuchai 3 poin bad da kane ka jingiakhaid kila iasam mar shi poin.

Lashai ka jingiakhun kan ling hapdeng ka Sohmynting pyrshah iaka 7 Wasa Utd haka por 3 baje nohphaisngi. Ka 7 Wasa ka don haka kyrdan kaba hakhliehduh 12 poin bad ka Sohmynting 2 poin.