Iakhaid ka Lumiawmuchai pyrshah iaka Nangbah Mulang haka Super Division ka WJDSA

Syllad | The Rising MeghalayaSeptember 17, 2022

Ka jingiakhun hapdeng ka Lumiawmuchai pyrshah iaka Nangbah Mulang kala kut da kaba iakhaid mar shikol haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng.

Haba phai sha ka jingiakhun, kine ki ar kol kila mih haka kylla step ha kaba ka Nangbah Mulang kala tam shuwa shakhmat haka 13′ lyngba ka kol bala thep da u Promi Suting, katba ka Lumiawmuchai Shangpung kala ioh pynphai haka 29′ lynga u Hawahoi Iakai.

Haka kylla miet kine ki arliang mamla, kila pyrshang ban ia nion mar kylliang ban ioh thep kol, hynrei kim shym la lah satia bad kila hap hun ban ia sam mar shi poin.

Mynta ka sngi ka jingiakhun kan long hadpeng ka Sohmynting pyrshah iaka Ladthadlaboh haka por 3 pm bad kane ka jingiakhun kan ai iaka rai iaka top team ba ar ba lai.