Iakhaid ka Sabahmuswang bad ka 7 Wasa haka Super Division ka WJDSA

Syllad | The Rising MeghalayaSeptember 15, 2022

Ka jingiakhun hadpeng ka Sabahmuswang pyrshah iaka 7 Wasa kala wai da kaba iakhaid haka Super Division Football Tournament kaba pyniaid da ka West Jaintia District Sports Association (WJDSA) ha Kiang Nangbah Stadium haka sngi Palei.

Kane ka dei ka jingiakhun ba khatduh kine kine ar liang mamla bad kila hap ban iasam ma 1 poin hadien ba kila iakhaid khlem don mano mano ba ioh pynkhih jar. Da kane ka jingiakhaid ka Sabahmuswang kala kamai 2 poin bad ka 7 Wasa 19 na ki 7 sien iakhun.

Ka Sabahmuswang da kane ka jingiakhaid, ka dei tang maka na ki kynhun kaba la lah ban pynkut iaka jingbteng khur namjop ka 7 Wasa ha kane ka aiom ialehkai. Ka Sabahmuswang haka aiom ialehkai ban wan kan iakhun haka kyrdan 1st Division ryngkat bad ka Sohmynting ka ban iakhun iaka Ladthadlaboh haka sngi Saitjain.

Lashai ka sngi ka jingiakhun kan long hadpeng ka Nangbah Mulang (10 poin) kan iakhun pyrshah iaka Lumiawmuchai Shangpung (7 poin).