Iakhaid ka Seinbhalang Shkentalang bad Umladkhur ha Super Division, jop ka Amsohtai, Mupyut Dongwah haka Lower Div ka ASSA

Syllad | The Rising MeghalayaNovember 19, 2024

Ka Seinbhalang Shkentalang bad Umladkhur SC kila iakhaid haka jingialehkai Super Division katba ka Amsohtai, Mupyut Dongwah kila khur jingjop haka Lower Division Football Tournament kaba pyniaid da ka Amlarem Sub Divisional Sports Association (ASSA) kaba long ha madan mini stadium Ladjaplem, Amlarem haka 19 tarik Naiwieng.

Haba phai sha ka jingialehkai Super Division hapdeng ka Seinbhalang Shkentalang pyrshah iaka Umladkhur SC ka jingiakhun kala kut noh da 1-1. Ka Umladkhur kala tam shakhmat ha kane ka jingialehkai lyngba ka kol kaba la thep u Khamti Lamurong haka minit kaba 11 kaba mih paw haka dur jong ka penalty, katba Seinbhalang Shkentalang kala ioh ban pynphai lyngba u Sanu Dkhar ha ka minit kaba 49.

Haka kyrdan Lower Division, ka Amsohtai SC kala pynliem 1-0 iaka Pdengkseh SC lyngba ka kol ba la thep da u Juban Tariang 12. 

Haka jingialehkai kaba bud, ka Mupyut Dongwah kala pynliem da 3-1 iaka Lajaplem. Iaki lai kol ka Mupyut Dongwah la thep da u Melis Pde (11), Neeibiang (27) bad Arwi (35), katba iaka kol jong ka Lajaplem la thep da u Kynsai Langsiang (31). 

Ha kawei pat ka jingialehkai, ka jingiakhun kala kut da ka jingiakhaid hapdeng ka Amlanai SC bad ka Kharkana SC. Naka liang ka Amlanai la thep da u Nangkiew Lyting (15) bad na kaliang ka Karkhana SC la thep da u Freedy Kongwang (35).