Iakhaid ka Umladkhur vs Mupyut haka Super Div ka ASSA

Syllad | The Rising MeghalayaDecember 9, 2024

Ka Umladkhur SC bad Dongmihsngi Mupyut kila iakhaid haka Super Division katba ka Nongshilliang Pdengshakap bad ACP Padu kila khur nam jop haka Lower Division Football Tournament ba la pyniaid da ka Amlarem Sub Division Sports Association (ASSA) kaba long ha madan Ladjaplem haka 9 tarik Nohprah.

Haba phai sha ka jingialehkai ka Umladkhur SC pyrshah iaka Dongmihsngi ka jingialehkai kaka kut da 1-1. Ka Dongmihsngi Mupyut kala tam shakhmat tang hapoh 5′ bala iaid ka jingiakhun lyngba ka kol kaba la thep da u Ribatskhem Khyriem katba ka Umladkhur SC kala lah ban pyniakhaid haka minit kaba 33′ lyngba u Juh Buam.

Haka Lower Division, ka Nongshilliang Pdengshakap kala pynliem iaka Amsarim SC da 3-1. Ia kine ki kol la thep da u Albinash Khaii (11), bad Mardiki Khaii (50, 60).

Haka jingialehkai kaba bud, ACP Padu kala pynliem iaka Darrang da 1-0 lyngba ka kol ba la thep da u Stevenson Sumer (14).