Iakhaid ka Wahiajer bad ka Nangbah Iawmusiang haka 1st Div ka WJDSA

Syllad | The Rising MeghalayaOctober 10, 2022

Ka jingiakhun hapdeng ka Wahiajer pyrshah iaka Nangbah Iawmusiang kala kut da kaba iakhaid mar 1-1 haka 1st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.

Ha kane ka jingiakhun, ka Nangbah Iawmusiang kala ioh shuwa ban pynkhih iaka jar lyngba u Wanbiang Passah (38′) bad kane ka kol kala neh haduh bala kut ka kyllastep.

Ka Wahiajer haka kylla miet kala tan kylla iaka jingiakhun sha kaba iakhaid lyngba ka kol kaba la thep u Dawhoi Dhar (52′). Kine ki ar tylli ki kol kila neh haduh bala kut ka por iakhun bad kine ki ar kynhun kila iasam noh mar shi poin.