Iakhih kynsan ka NEHU Students’ Union bym pynbiang bos iaki samla pule

Syllad | The Rising MeghalayaAugust 5, 2023

Ka NEHU Students’ Union haka sngi Saitjain kala iakhih kynsan kynsan bad kala khang tala iaki khyrdop Gate 2 jong ka skulbah NEHU ban pakhang lynti iaki baroh ki kali hadien ba ka bor pyniaid ka NEHU ka khlem lah ba pynbiang bus ia ki samla pule 2nd semester kiba don eksamin.

Tang hadien shi kynta bala iaid ka jingiakhih, ka NEHU Students’ Union ka la ioh pdiang ia ka shithi na u Incharge ka tnad Transport jong ka NEHU ha kaba la pan map ia ka jingbym lah ban pynbiang ia ki bos, kumta ka NEHU Students’ Union ruh kala weng iaka jingiakhih.

U President ka NEHU Students’ Union samla Ready First June Nongbsap haba kren sha ki lad pathai khubor, u la ong ba na ka liang ki bor pyniaid ka NEHU, ki la kular ruh ba naduh ka taiew ban wan yn pynbiang ia ki bos iaki samla pule.