Iakhih paidbah ka shnong Jarain ban pyrshah ia u acting Waheh Shnong, pynjari Section 144 CrPC ka ADM

Syllad | The Rising MeghalayaOctober 17, 2020

Ka Additional District Magistrate jong ka Amlarem Civil Sub Division ka Kong JU Kharpuri kala pynjari syndon da ka kyndon aiñ Section 144 crPC ban khang iaka jingialum paidbah palat iaka 5 ngut ha ka shnong Jarain ban khanglad iaka jingiakhih paidbah.

Ka Kong Kharpuri kala pynjari da kane ka kyndon hadien ka jingiakhih pyrshah jong ki nongshong shnong halor ka jingthung Acting Waheh Shnong ka Jaintia Hills Autonomous District Council (JHADC) ia u ma Ami Tariang.

Ki paid nongshong shnong ka Jarain namar ka jingpyrshah ia kane ka jingthung acting waheh shnong kila mih sha surok bad pyrshah bad dawa naka konsil ban pyndam ia une u acting waheh shnong bad kynnoh ruh ba u Dolloi elaka Amwi, u ma Jemewell Pyrtuh ruh ula leh jubor khlem ka jingmynjur u paidbah.

Da ki spah ngut ki paidbah kila mih sha iew Jarain ban pyrshah bad pynpulom ruh iaka jingthmu plie iew Jarain kaba hap haka jingpeit ka Amwi Ar Lyngdoh.

Ka ADM, u Executive Magistrate u ma H Shylla bad ki pulit kila hiar sha kane ka iew.

Ka ADM Amlarem kala khang ruh iaka iew tad haduh b aka JHADC kala pynbeit iaka kam shnong jong ka Jarain.

Shuh shuh u ma Jephrin Sumer, u dkhot shnong haba kren ula ong ba kim pyrshah iaka jingplie iew, hynrei iaka jingthung actinig waheh shnong namar b aka bor shhnong bad u paidbah um don jingtip.

U Dolloi ula ong ba ym shym la lehbor bad la thung acting waheh shnong hadien bala kut ka samoi treikam u waheh shnong barim. “Nga la bthah iaki nongialam shnong ka Jarain ban khot jingialang, hynrei kim shym  la burom bad katkum ka jingbthah jong ka Special Officer, JHADC nga la thung ia u Acting waheh shnong,”

“Nyngkong ngam shym la ioh jaka ban pynlong jingialang bad jia ryngkhat ruh bad ka jingkhang ban pynlong jingialang namar ka jingiakhun pyrshah iaka khlam COVID-19, kaba ka sorkar kala khang ban pynlong jingialang paidbah bad dei namar kane la poi sha ka jingthung acting Waheh Shnong,” ong u dolloi ma Jemewell Pyrtuh.

Ula ong ruh ba un ujor ia kane sha ka konsil shuwa ban shim kino kino ki rai.