Iakynduh jingeh ka jylla namar ka jingdon 8384 ngut kiba im ryngkat jingpang HIV

Syllad | The Rising MeghalayaDecember 1, 2023

Ka dei ka jingeh kaba ap shakhmat ia ka jylla Meghalaya namar ka jingdon jong haduh 8384 ngut ki briew kiba im ha ryngkat u khniang jingpang HIV (PLHIV) kiba la rejister ha ka HIV care kat haduh u bnai Risaw 2023, ha kaba bun na kine ki PLHIV ki dei kiba don hapoh East Khasi Hills district.

Katkum ka statistic ba la ioh lum da ka Meghalaya AIDS Control Society (MACS), ka East Khasi Hills ka don haduh 2611 ngut kiba don ia une u khniang jingpang, Eastern West Khasi Hills  210, South West Khasi Hills 115, West Khasi Hills 112, Ri Bhoi- 531, East Jaintia Hills 1976, West Jaintia Hills 2441, North Garo Hills 17, West Garo Hills  111, South West Garo Hills 19, South Garo Hills 18, East Garo Hills  23, kiwei kiwei 200.

Ka jingeh kaba hakhmat na ka bynta ka tnat ka koit ka khiah ka long ban wad ia kito ki nongpang kiba la sangeh ban pyndep ia ka jingsumar Antiretroviral therapy (ART) treatment kiba lam sha ka jingduh noh ha ka list ban buddien ia ki.

Ka MACS kan rakhe ia ka World AIDS Day lashai ka 1 tarik Nohprah 2023 ha ka por 11 baje mynstep ha madan Polo, Shillong ha kaba yn bud da ka jingialap ‘Red Ribbon Superstar Meghalaya Icon’ bad ka mat jong une u snem ka long “Let communities lead.”

Ia ka World AIDS day la ju rakhe ha ka 1 tarik u Nohprah man ka snem ha kaba ki briew na kylleng ka pyrthei ki ai ia ka jingkyrshan na ka bynta ki PLHIV bad ban pynkut ia ki kam banbein pyrshah ia kiba kum kine ki briew bad ruh ban kynmaw ia kito kiba la duh noh iala ki jong ki jingim na ki jingpang jingshitom kiba iadei bad ka jingpang AIDS.

Katei ka mat “Let communities lead” ka dei kaba la shim bad kaba lah ban pynkut noh ia ka jingpang AIDS kum ka jingpang ba shitom kaba lah ban urlong tad hadien ki nongshong shnong ki oh ban shim ia ka bynta kaba kongsan.

Featured Image by Teyssier Gwenaelle from Pixabay