Iakynduh ka HYC bad JYF ia u SP EJH halor ka jingshah pyniap kynnah skul

Syllad | The Rising MeghalayaMarch 17, 2021

Ka Hynniewtrep Youths’ Council (HYC), East Jaintia Circle bad ka Jaintia Youth Federation (JYF) East Jaintia Hills haka jingialam u Preios Pale bad u Joint Pala haka sngi Balang kila leit iakynduh ia u Superintendent of Police East Jaintia Hills District halor ka jingshah pyniap jong ki ar ngut ki khynnah skul ha East Jaintia Hills.

Na kaliang kine ki nongialam jong kine ki ar seng kila kyntu ia u SP ka district ban shimkhia ban pynlong iaka jingtohkit bad ban thwet iaki runar ba donkti bad ban pynshitom katkum ki kyndon jong ka aiñ.

Kine ki arseng kila pynpaw ba u SP ka district ula ong ba ka jingthwet bad jingtohkit kala iaid shakhmat.

“Ngim kwah ban jia shi jia kum kine ki jingjia shah pyniap ki kynthei khynnah. Ngi pynrem ia kine ki runar kiba donkti ha kine ki kam pyniap kiba la duh iaka jingtiplem bad ka mynsiem briew,” la ong kine ki nongialam bad ban jur iaka tnad pulit ban treishitom ban tem iaka kam sniew hapoh ka district.