Iakynduh ka KSU Hingaria ia u CE-PWD halor ka surok bad jingkieng ba la synjor ha Wah Pusi Borghat
Ka Khasi Students’ Union (KSU) Hingaria unit ha ryngkat bad ka jingiatreilang bad ki Dorbar Shnong nalor ka jingiadon ryngkat u Waheh Chnong Hingaria u Samson Lamin, Waheh chnong Borghat u Kyrmen Swer, Waheh chnong Natbor u Lap Suchen bad u Bah D Lamare haka 17 tarik Jymmang kila leit ban ai da ka dorkhas sha u Chief Engineer ka Tnat PWD (Rds), Central, Shillong ban kyntu ban maramot noh ia ka surok kaba la tor bad jot rathai naduh na Lama shaduh Wah Prang Hingaria namar ka la buh jingeh shibun ia ki paidbah nongleit nongwan jong ka thain khappud hi baroh kawei.
U samla G Talang Genl Secretary KSU Hingaria ula la ong ba ki shnong kiba hap ban pyndonkam ia kane ka surok ki kynthup ia ka shnong Lama, Borghat, Nadbor, Demlakang, Pdei wah Khynriam, Kwator, Hingaria ter tet shaduh Sonapur.
![](https://www.syllad.com/wp-content/uploads/2024/09/JIT-Vacancy-823x1024.avif)
La ong ruh ba ka jingsniew palat jong ka surok ka la wanrah jingeh shibun khamtam haba jia ka pang ka shitom ia kiba donkam ban pynkit sha ki jaka sumar. Kaba kham sngewsih ka long ruh namar ki la don teng kiba la khlad noh shiteng lynti tang na ka daw ka jingsniew jong ka surok.
![](https://www.syllad.com/wp-content/uploads/2024/05/KSU-EJH-jpg.webp)
Ha kajuh ka por ka KSU ha ryngkat ki nongialam shnong jong ka thain ki la pynpaw ruh ka jingsngew bynniaw kaba jur ha kaba iadei bad ka jingkieng nar kaba la rim bah kaba pyniasoh iaka East Jaintia Hills bad ka West Jaintia Hills kaba don ha Borkhat.
Kumta na ka liang ka seng ha ryngkat ka jingthoh ka la dawa ban shna thymmai noh ia kane ka jingkieng kaba la rim bha khnang ba Kan long kaba shngain ha ka iaid ka ieng bad ka kit ka bah jong ki paidbah khamtam ban pynpoi ia ki mar rep sha ki iew ki hat na ka bynta ban kamai jakpoh.
Leave a Reply