Iakynduh ki sengbhalang ia u DC Khliehriat ba sahteng ka jingtei khyrdop Entry Exit Points

Syllad | The Rising MeghalayaOctober 21, 2020

Ki lai tylli ki sengbhalang na East Jaiñtia Hills ba kynthup ïaka Khasi Student Union (KSU) Jaintia Hills District Unit, ka Federation of Khasi Jaintia and Garo People (FKJGP) Jaintia Hills Zone bad ka Hynñiewtrep National Youth Front (HNYF) Eastern Region mynta ka sngi Balang ki la ïakynduh ïa u Deputy Commissioner ka East Jaiñtia u Bah E Kharmalki ha kamra treikam jong u ban ïakren halor ka jingslem ban shna ïaka Entry-Exit Points ha Ratacherra, East Jaintia Hills Distrcit.

Ha kane ka jingiakynduh ki sengbhalang ia u DC, ula pynshai iaka daw ba sahteng ka jingshna khyrdop Entry Exit Points ha Ratacherra kadei namar ba ki dang ap ka NOC na ka JHADC.

“Kane ka jaka ka heh 1 acre bad ngi la dep ai da ka jingthoh sha ka District Council bad mar sien ioh NOC yn sdang tei noh ia kane ka khyrdop,” la ong u Bah Kharmalki.

U Finance Secretary KSU Jaintia Hills District Unit, uba long ruh u dkhot ka CEC KSU central body u SS Niangti, u President ka FKJGP u Tuesday Lytep, u President ka HNYF u Lamsuk Langstang bad ki katto katne ngut ki dkhot nongkitkam jong kitei ki Lai seng kila dawa ba nalor ka Entry-Exit Point kila ai jingmut ban thaw iaka District Task Force katkum ka aiñ Meghalaya Act No.6 of 2016 clause 5 (1) of Meghalaya Residents’ Safety and Security Act, 2016.

Na kaliang ki nongialam sengbhalang kila kyntu iaka JHADC ban pynkloi ban ai iaka NOC sha ka sorkar khnang ban tei iaka khyrdop ban iada iaka jylla na ka jingrung beaiñ ki ri.