Iakynduh lang ki samla pule Khasi Jaintia ha Guwahati
Ka Khasi Jaintia Students’ Union, Guwahati kaba peit iaka bha ka miat ki samla pule ha katei ka sor kala pynlong iaka jingiakynduhlang ne ka fresher’s meet ha Six Mile Catholic Hall haka sngi Nyngkong.
Ha kane ka sngi la sam ruh iaka Maitshaphrang Award sha ki 10 ngut ki samla pule kiba pass bha bad ka certificate of Appreciation iaki samla pule kiba la pule bad shakri ha ki kam ba har rukom ha katei sorbah jong ka Assam.
Ki kynrem ki lyndan kiba sakhi ia kane ka jingiakynduh lang ki samla pule Khasi Jaintia Ki kynthup ia u Myntri ka sorkar u Ma Kyrmen Shylla, U MLA ka Mawphlang Eugeneson Lyngdoh, u Bah Banjop Pyngrope MDC ka Rymbrai Jyrngam Constituency, ki nongïalam na ki kynhun sengbhalang bapher bapher bad kiwei kiwei.
La ioh ka jingkren pdiang na president Galio Langki Suchiang bad ka Aphilisha Wahlang CPMS. Kiwei kiwei kiba iadonlang ki dei u BDO ka Thadlaskeiñ Block Dr. B Langbang, S. Pasleiñ DSP Ribhoi, u Commander Shangpliang president Meghalaya Film Industry, u Treiborlang Suchen General Secretary JSU bad kiwei kiwei.
Baroh kiba kren kila kyntu bad sneng kraw bad kitbok kitrwiang iaki samla pule ha sorbah Guwahati ban treishitom haka jingim pule puthi khnang ban long kita ki myntoi ka imlang ka samla.
La pynphuh pynphieng ia kane ka jingiakynduhlang da ki jingrwai jingshad tynrai na ki samla pule ka Assam Downtown University.
Facebook
Instagram
Youtube
Twitter
Leave a Reply