Iakynduh u CM ia ka longiing ki 7 ngut kiba khlad na ka jingjia twa khyndew ha SGH

Syllad | The Rising MeghalayaOctober 8, 2024

U Myntri Rangbah ka Jylla u Conrad K Sangma ha ka 8 tarik u Risaw u la lum ia ki bor pyniaid district ka South Garo Hills (SGH) ha Dimapara ban bishar bniah ia ka jinglong jingman na ka jingshah pynjulor ha ki jingshlei um bad ki jingtwa khyndew bad ruh ban kner ia ki lad jingiarap sha kito kiba la shah ktah.

Baroh ki la don haduh 40 tylli ki shnong kiba la shah ktah ha kine ki jingjia ha ki laitylli ki block bad kaba la ktah ruh ia palat 2510 ngut ki nongshong shnong na ki 462 tylli ki longiing. Ha kane ka jingjia ki la don ruh haduh hynniew ngut ki dkhot jong kawei ka longiing kiba la duh noh ia la ka jingim hadien ba ka jingtwa khyndew ka la tap ia ka iingsah jong ki ha ka shnong Atisia Songmong kaba hap hapoh Gasuapara.

Na ka liang u CM u la ban jur halor ka jingdonkam ban don ki lad jingiada na ka jingshlei um bad ka jingjurip ia ka jingshlei um ban iada na ka jingduh jong ki mynsiem briew, ki jingdon jingem bad ki mar ki mata.

U CM u la bthah ruh ia ki ophisar sorkar ba kin pynkloi ia ki kam maramot bad ban pynthikna ia baroh ki lad jingiarap sha kito ki nongshong shnong kiba shah ktah.

Na Dimapara u CM la leit sha ka shnong Atisia Songmong da kaba iaid kjat haduh kumba 2 km ban poi sha katei ka jaka ba jia katei ka jingjia ba sngewsih ha kaba u la aiti ruh ia ka song jingiarap pisa na ka bynta ki 5 napdeng ki 7 ngut ki lanot kiba dei na kajuh ka longiing sha u Watison Marak bad iaki ar ngut sha u Baseng Momin uba la duh noh iaka kurim bad ia u khun shynrang uba dang shi snem shiteng.

Nalor kata u Conrad u la iashim bynta ruh ha ka jingialang pynlong jingduwai na ka bynta kine ki lanot ha kane ka shnong bad sngap ruh ia ki jingud jingnam jong ki nongshong shnong. U CM u la kular ba na ka liang ka Sorkar kan pynthikna ban pynbha noh mardor ia ki surok kiba la julor bad ka jingduh ha ka liang ka bording i