Ialap ki khynnah skul ban sangeh pyndonkam ia u Sikret bad duma

Syllad | The Rising MeghalayaApril 26, 2024

Ki khynnah skul ka Rud Myntdu LPS SSA haka 24 tarik Iaiong kila mih sha surok ban ialap pynsngewthuh iaki paidbah nongleit nongwan halor ka jingsniew ka jingpyndonkam ia u sikret bad duma.

Ha kane ka jingmih surok ki khynnah skul la synrang iaki daki nonghikai ryngkat ka jingrah lang iaki placard ba la thoh iaki dur ki dar kiba long shibynta ban phah iaka khubor sha ki paidbah nongleit nongwa halor ka jingsniew ka duma.

Kane kadei ka prokram kaba hap ban pyndep da baroh ki jaka pule hapoh ka jylla halor ka thong jong ka ‘World No Tobacco Day 2024’ katkum ka hukum na ka iing treikam State Project Director, SSA & Director of School Education and Literacy, Meghalaya Shillong.

Ia kane ka prokram da kawei ka kyntien la tip iaka kum ka Rally Against Tobacco ryngkat ka Signature Campaign halor ka phang “My Meghalaya, Tobacco Free Meghalaya”.