Ïalap lehkhuid ka NSS Unit & HSC ka Jaiñtia Eastern College

Syllad | The Rising MeghalayaAugust 7, 2019

KHLIEHRIAT: Ka NSS Unit bad ka Health & Sanitation Committee jong ka Jaintia Eastern College, Khliehriat kila pynlong ïaka Swachhta Pakhwada, ka program ban ïalap ïaka jingkongsan jong ka jinglehkhuid ar taiew lynter ha Khliehriat, East Jaiñtia Hills District.

Ka jingthmu jong kane ka prorkam kalong ban pynsngewthuh ïaki samla pule bad khynnah skul halor ka jingkongsan jong ka jinglehkhuid ha ïing ha sem, ha ki jaka pule, ha shnong ha thaw bad ha baroh ki jaka paidbah.

Ïaka jingialang ban sdnag ïa kane ka prokram kaba la long ha ka 2 tarik une u bnai la pyniaid da u Dr. D.S Diengdoh, Program Officer, NSS Unit ka Kolej. I kong Shida Siangshai, Member Secretary jong ka Health & Sanitation Committee I la ai ia ki kyntien pdiang sngewbha ia baroh ki nongiashim bynta.

Ha kane ka sngi, la ioh ia ka jingkren na u Dr. PNongtdu, Principal Jaintia Eastern College halor ka jinglehkhuid. Ha ka jingkren jong u, u la pynkynmaw ia ki samla pule halor ka jingkyntu u kpa ka ri, U Mahatma Gandhi shaphang ka jingdonkam ka jinglehkhuid bad ban leh phikir haba pyndonkam ia kino kino ki tiar ing tiar sem. U la kren ruh halor ka jingpyndonkam ia u duma hapoh Kolej bad ha ki jaka paidbah.

U Dr. P Nongtdu u la kyntu ia ki samla pule ban long kiba lehkhuid bad ban kiar na ka jingbret pathar ia ki jaboh jabain. Ha kane ka juh ka sngi la pynlong ruh ia ka jingpynkhuid ia ka phyllaw jong ka college bad ia ki surok shnong sawdong jong ka college. Bad shuwa kane ka jingpynkhuid ki samla pule ki la iashim bynta shitrhem iaka jingkular (Swachh Bharat pledge) ban long kiba leh khuid bad ki nongiada ia ka mariang.

I kong R.Pde Asst. Prof. Economics Department I la ai ka jingkren lyngkot halor ka jingpynmlien ialade ban lehkhuid bad ban don ka jingkitkhlieh na ka bynta ka koit ka khiah ba shimet da kaba pynkhuid ia ka sawdong sawkun jong ki ïing ki sem bad ki jaka pule.La pynkut ia ka jingrakhie da ki kyntien ai khublei na I kong R. Dkhar, Asst. Prof. Political Science Department.