Ialap pynsngewthuh ka Tep Kyndait Govt UP School halor ka jingma u duma

Syllad | The Rising MeghalayaApril 19, 2022

Kum shibynta ban rakhe World No Tobacco week, ka Tep Kyndait Government UP School Tuber Kmaishnong, East Jaintia Hills District kala pynlong ka jingïaid rally ban ïakhun pyrshah ïaka jingdih sikret ne duma.

Ïa kane ka rally la pynlong haka sngi Nyngkong bad la iashimbynta ki khynnah skul bad nonghikai. La rah lang ïaki jingthoh ryngkat ka jingpyrta ha shilynter ka surok bah National Highway ban pynsngewthuh iaka jingma halor ka jingpyndonkam ban bam bad dih ia u duma.

Manla u snem iaka World Tobacco Day la rakhe ha u bnai Jymmang 31 ha kaba ka pyrthei satlak kala rakhe ia kane ka sngi ban pyrshah ia u duma.

U Riquoma Rq. Laloo haka jingkren ula kyntu jur ïaki khynnah ba kim dei ban ngop haka jingdih bad bam duma namar ka long nongshun jong u briew kumjuh ka jingpang ba shyrkhei tam kaba lah ban dkhat wat ïaka jingim briew bad ka long ruh ka daw jong ka jingpang bampong.