Ïap 1, mynsaw 17 ba syllad ka trok iaka kali kamai ha Lad Moodymmai

Syllad | The Rising MeghalayaFebruary 5, 2021

Kawei ka longkmie ïa kaba la tip kyrteng kum ka Sngen Suting 50 snem eiei na ka shnong Umsning kaba hap ha Mawkynrew Block ka la khlad hadien ba kawei ka trok kala rat ïaka kali kaba ka shong.

Kane ka jingjia ka la jia haka miet sngi Palei haka por kumba 8.30 baje eiei ha surok bah NH-6 ba don ha Lad Moodymmai, West Jaintia Hills District.

Katei ka trok ka don ïa u Registration number NL 01AB 4740 kala rat ia kali kamai Mahindra Maxx kaba don ïa u Registration number ML 05G 9353 ba shong kane ka longkmie.

Haba ïa kren bad u Bah Lowershon Suting ula ïathuh ba ka trok kaba la ñiah da uwei u khynnah ba dang hapoh 18 snem rta ka la wan ban tynrah ïaka kali (Mahindra Maxx) ba la ñiah da u para jong u, u Konishon Suting.

Ula ïathuh ba ha kane la kit ïaki 17 ngut ki ba haïing jong u kiba wan ïarap rep na Bamkamar bad thmu ban kiew sha Umsning hynrei kynsan kynsan haba la poi ha Lad Moodymmai ka trok kala tynrah ïa katei ka kali jong ki bad ka la phet krad na katei ka jingjia.

Ha kane ka jingjia ula ïathuh ba ka Meiduh jong u, ka la khlad hajuh bad 8 ngut ki la mynsaw jur kiwei pat ki shuh mynsaw malu mala bad ki pulit jong ka Ummulong Beat House ki la pynkit ïaki sha jaka sumar.