Iap 1, mynsaw 2 ngut ki bar jylla na ka jingshah thombor ha Mawlai Mawroh

Syllad | The Rising MeghalayaApril 10, 2024

Uwei u nongtrei bylla sngi uba dei u bar jylla u la khlad noh katba arngut kiwei pat kiba ia don lang bad u ki la ngat ha ka jingmynsaw na ka jingshah thombor ha ki runar ki bym lah satia ban ithuh haka 10 tarik Iaiong, ha ki bynta jong ka shnong Mawlai Mawroh, Shillong.

Na ka liang u Superintendent of Police ka East Khasi Hills, u Rituraj Ravi u la ong ba katto katne ngut ki riew runar ki bym lah ban ithuh ki la thombor ia ki laingut ki nongtrei bylla hapoh kawei ka jaka pyntrei iing ha Mawlai Mawroh.

U la ong ba ha kane ka jingjia kaba la jia ha ka por kumba 11.15 mynstep, uwei napdeng kine ki laingut kiba la ngat ha ka jingmynsaw ia uba la tip kyrteng kum u Arjun Ray 52 snem u la khlad noh hapoh NEIGRIHMS.

Ha kaba iadei bad kane la rejistar case bad ka jingtohkit ka la iaid shakhmat ban lapdien bad ioh kem ia  ki runar kiba donkti ha kane ka kam pyntriem, u la ong.