Iap 2 ngut ba thmu kynthih na ka trok ba phiel brake ha Mawblei

Syllad | The Rising MeghalayaApril 10, 2024

Arngut ki nongbud jong kawei ka trok 12 shaka kaba kit dohkha kaba don ia u nombor AP16TS9689 kila iap hadien ba kane ka trok ka la kylla khongpong ha ka thain Mawblei, hajan Hyundai Showroom katba u nongniah u la lait thaw da ka said.

Katkum ki khubor la ong ba kane ka jingjia kala jia hynne ka sngi Balang ha ka por kumba 5 baje mynstep na ka daw jong ka jingphiel jong ka brake kaba la pynlong ia u nongniah ba un ym lah shuh ban tehlakam bad kaba la pynlong ia kane ka trok ba kan kylla khongpong noh ha katei ka jaka.

La iathuh ba kane ka jingkhlad noh jong kitei ki arngut ki nongbud ka dei namar ka jingshah ban ha kane ka trok katba ki dang pyrshang ban kynthih noh shabar jong ka kali, hynrei u nongniah u la lait thaw salit na ka jingiap ha kaba la pynkit noh ia u shapoh Civil Hospital, Shillong.

Na ka liang ka kynhun Special Rescue Team ki la wan poi mardor ha kane ka jaka ban iarap ban sei ia kine ki metiap jong kine ki arngut bad ia mynta hi ym pat ioh jingtip la kine ki briew bad u nong niah ki dei kiba wan na kano ka jaka.