Iap 2 ngut shipara na ka jingpluh ding ka iing ha Ummulong

Syllad | The Rising MeghalayaNovember 21, 2021

Ar ngut ki shipara kiba haka rta 5 bad 2 snem kila duh ei iaka jingim hadien baka ïing jong ki kala shah bam duh haka ding mynta ka Sngi U Blei.

Ka khubor kaba iohlum kane ka jingjia kala jia haka por shiteng sngi haka por baka kmie kine ki khynnah kaba tip kyrteng kum ka Man Challam kala leit saitjain.

La iathuh ba kane ka iing kaba don kham pajih na ki jaka ba bun iing briew (ka jaka kaba tip kum ka Wah Kyndiah), kat haduh ban iohi ki briew ka ding kala ioh bam duh iaka iing bad kitei ki ar ngut shipara shynrang.

Ki Pulit pynlip ding bad ki Pulit ka Ummulong ruh kila poi hakatei ka jaka, hynrei ka ding kala dep bam shngiam ia katei ka iing bad ki jingdon jingem baroh.