Iap 2 ngut, shitom jur 16 ngut ba suba bam tit khlaw haka shnong Lamin
Arngut ki briew kila duh ei ïaka jingim bad lai ngut ki shitom jur na ki 16 ngut kiba suba bam ïa u jhur- tit khlaw haka shnong Lamin ka shnong kaba don ha Amlarem Sub-Division, West Jaintia Hills District.
Kine ki ar ngut kiba la khlad ki dei u Morison Dhar 40 snem rta bad u Katdilia Khonglah 26 snem rta, la pynthikna u Waheh Shnong Lamin u Ma Golden Gashnga.
U Morison Dhar ula khlad noh shiteng lynti haka por ba kiba haiing ki dang thmu ban pynkit ia u sha Shillong ban ioh ka jingsumar ha ka shnong Skhentalang haka por 5:30 nohphaisngi, katba u Katdilia Khonglah ula khlad ha Civil Hospital, Ialong Civil Hospital haka por kumba 8:30 mynmiet haka sngi U Blei.
La iathuh ba kine ki ar ngut kila leit kheit ïa une u tit khlaw haka sngi Palei na khlaw kaba don hajan shnong bad hadien ba kila dep shet bad bam kila ia prie pynhiar bad mar mar ki nongshong shnong kila iarap pynkit ïaki sha Nongtalang CHC.
La iathuh ba ki don lai tylli ki longïing kiba bam ia une u jhur tit, naka longïing u Morison, 7 ngut kiba shitom kynthup ïaki 6 ngut ki khun bad u kynum.
U Dimah Gashnga u khun ma Morison ba dang 7 snem ka rta ula shitom jur bad la pynkit ïa u sha Norman Tunnel Hospital.
Katba 2 ngut kiba dang shitom jur ki dei ki para u Katdilia, u Lapynshai bad u Amstrong bad ki don mynta haka jingsumar ha Nongtalang CHC.
Haduh bala thoh iaka khubor 13 ngut ki shitom na kane ka jingbam jhur tit na ka longing kine 2 ngut kiba la khlad bad 3 ngut na kawei iing kaba marjan.
Facebook
Instagram
Youtube
Twitter
Leave a Reply