Iap 3 ngut ba shah rong haka umsaw ha Kopili Hydroelectric Project
Ka jingwan ther jur u slap ha kine ki lai sngi ha khappud Assam Meghalaya kala wanrah ka jingshlei um kaba jur bad shim ruh iaka jingim jong ki lai ngut nongtrei jong ka NEEPCO ha Kopili Hydroelectric Project ha Dima Hasao District.
Kane ka jingjia kala jia haka step sngi Saitjain hadien baka jaka pyllang um (reservoir) katei ka jaka pynmih bording kala bthei bad rong ia kine ki lai ngut kiba kynthup ia u Anupam Saikia Deputy Manager, Jayanta Hazarika Manager jong ka Civil Branch bad u wei pat u nongtrei ba trei contract u Demiraj Johri.
Ia baroh kine ki lai tylli ki metiap kiba la shah rong ha ka umsaw la lap biang iaki da ka jingiarap ki trai shnong bad ki nongtrei ka NEEPCO haka thain 5 Kilo.
La iathuh ba kane ka jaka pynmih bording mynta la bun bun bnai kam shym la treikam namar ba dang iaid ka jingmaramot, pynban kane ka jingshlei um kala wanrah shuh shuh iaka jingjulor kaba bun nalor ba duh iaki mynsiem briew.
Facebook
Instagram
Youtube
Twitter
Leave a Reply