Iap ar ngut ki khynnah ba pluh ka ïing ha Moodymmai

Syllad | The Rising MeghalayaNovember 29, 2022

Ar ngut ki khynnah kiba dei shi bakha kila duh ei iaka jingim jong ki hadien ba ka ding kaba kala klang jur kala bam shngiam iaka iing sah jong ki haka miet sngi Nyngkong.

Kane ka jingjia pluh ding kala jia ha kawei ka kyntoit ha Lumsalah, Moodymmai haka por kumba 9:30 Pm, katba kine ki khynnah ki dang iohthiah lyngngai ha jingthiah.

Kine ki arngut ki khynnah kiba la khlad na kane ka jingjia pluh ding, ki dei u Jawanalderliefest Talang 10 snem ka rta khun i Kong Dashisha Talang bad u Edify Laloo 8 snem ka rta khun jong I Kong Replist Laloo.

U Waheh Shnong ka Moodymmai u Ma Joseph Pariat ula ïathuh ha ka por ba jia kane ka jingjia kine ki khynnah ki don tang 2 ngut hapoh ïing.

Ula ong ruh iaka daw jong ka jingpluh ka ding, ym lah satia ban tip bad ka ding kala klang jur hadien ka jingbthei u tyndong shet kaba la bam duh ia kane ka iing kaba shna da ki lyntang bad ki tin.

U Waheh Shnong ula pynpaw iaka jingsngewlem sha kane ka longiing bad ha kajuh ka por ula kyntu ïaka sorkar bad u MLA ka thaiñ ban ïarap ïa kane ka ïing kaba la mad ia kane ka jingjia kaba sngewsih.